 |
| ಕೈಮರ |
ನಿಂತಿದ್ದೇನೆ ಕೂಡು ರಸ್ತೆಯ ಮದ್ಯೆ.
ಮುಂದೆ ಹತ್ತಾರು ದಾರಿಗಳು
ದಾರಿ ತಪ್ಪಿಸುತ್ತಿವೆ
ಎಲ್ಲಿಗೋಗಲಿ' ಎಲ್ಲಿಸಾಗುತ್ತಿವೆ ಈ ದಾರಿಗಳು?
ಕೈಮರದ ಕೆಳಗೆ ನಿಂತಿದ್ದೇನೆ ಒಂಟಿಯಾಗಿ,
ದಾರಿಹೋಕರಿಲ್ಲ,
ದಾರಿತೋರುವರಿಲ್ಲ,
ನನ್ನಳವು ಕೇಳುವರಿಲ್ಲ.
ಬಯಸಿದ್ದೇನೆ ಸಾಗಲು
ದಾರಿಗಳು ಹತ್ತಾರು
ಹೇಗೆ ಸಾಗಲಿ?
ಅಲ್ಲಿ ಇಲ್ಲಿ ಎಲ್ಲೆಲ್ಲು
ದಾರಿಗಳು
ಎಲ್ಲೆಲ್ಲು ನನ್ನದೇ
ಗುರಿ
ದಶದಿಕ್ಕು ತೋರುತ್ತಿದೆ
ಜಗದಳವು.
ಮುಂದೆ ನಿಂತಿದೀ
ಬಯಲು ನನ್ನಳಗೊಂದಾಗಿ ,
ಎಲ್ಲೆಲ್ಲು ಜಗಮಗಿಸುವ ದೀಪವಾಗಿ.
ನಾನು ನಾನಾಗಿ ,
ಸರ್ವವು ಅಯೋಮಯವಾಗಿ
ಆದಿ ಅಂತ್ಯವಿಲ್ಲದಾ
ದಿಕ್ಕಾಗಿ ಅಯ್ಕ್ಯವಾಗಿದೆ .
ಎಲ್ಲಿ ಹೋಗಲಿ ನಾನು?
