ಭಾನುವಾರ, ಸೆಪ್ಟೆಂಬರ್ 5, 2010

ಕೈಮರ 
ದಿನ ದಿನವು ನಡೆದು ಬಂದು
ನಿಂತಿದ್ದೇನೆ  ಕೂಡು ರಸ್ತೆಯ  ಮದ್ಯೆ.

ಮುಂದೆ ಹತ್ತಾರು ದಾರಿಗಳು
ದಾರಿ ತಪ್ಪಿಸುತ್ತಿವೆ
ಎಲ್ಲಿಗೋಗಲಿ' ಎಲ್ಲಿಸಾಗುತ್ತಿವೆ ಈ ದಾರಿಗಳು?

ಕೈಮರದ ಕೆಳಗೆ ನಿಂತಿದ್ದೇನೆ ಒಂಟಿಯಾಗಿ,
ದಾರಿಹೋಕರಿಲ್ಲ,
ದಾರಿತೋರುವರಿಲ್ಲ,
ನನ್ನಳವು ಕೇಳುವರಿಲ್ಲ.
ಬಯಸಿದ್ದೇನೆ  ಸಾಗಲು
ದಾರಿಗಳು ಹತ್ತಾರು
ಹೇಗೆ ಸಾಗಲಿ?

ಅಲ್ಲಿ ಇಲ್ಲಿ ಎಲ್ಲೆಲ್ಲು
ದಾರಿಗಳು
ಎಲ್ಲೆಲ್ಲು ನನ್ನದೇ
ಗುರಿ
ದಶದಿಕ್ಕು ತೋರುತ್ತಿದೆ
ಜಗದಳವು.

ಮುಂದೆ ನಿಂತಿದೀ
ಬಯಲು ನನ್ನಳಗೊಂದಾಗಿ ,
ಎಲ್ಲೆಲ್ಲು  ಜಗಮಗಿಸುವ ದೀಪವಾಗಿ.
ನಾನು ನಾನಾಗಿ ,
ಸರ್ವವು ಅಯೋಮಯವಾಗಿ
ಆದಿ ಅಂತ್ಯವಿಲ್ಲದಾ
ದಿಕ್ಕಾಗಿ  ಅಯ್ಕ್ಯವಾಗಿದೆ .

ಎಲ್ಲಿ ಹೋಗಲಿ ನಾನು?

ಶುಕ್ರವಾರ, ಆಗಸ್ಟ್ 6, 2010

NANNA KAVANA

ನನ್ನೊಲವಿನ ಕವನ
ಹೃದಯದೊಳಗಿನ  ಮಾತು
ನನ್ನೊಂದಿಗಿನ ಪಯಣ .

ಅಲ್ಲಿ ಇಲ್ಲಿ ನೋಡುವಾಗ 
ನನ್ನೊಳಗೆ ನಾನು ನೋಡುವಾಗ
ಜಗದ ನಿಯಮ ಮೀರಿ
ನಡೆಯುವಾಗ,
ನನ್ನೊಳಗೆ ಕವನ ಹುಟ್ಟುತ್ತದೆ!

ಮನಸಿನಂಗಳದಲ್ಲಿ  ಹುಟ್ಟಿದ ಮಗು
ಹೃದಯದನ್ಗಳದಲ್ಲಿಳಿದು,
ಅಂಬೆಗಾಲಿಕ್ಕಿ  
ನನ್ನೊಳಗೆಲ್ಲ ಬೆಳೆದು
ಉಸಿರಾಗುತಲಿ
ನನ್ನದಾಗುತ್ತದೆ.

ನನ್ನ ಕೈ ಹಿಡಿದು
ನನ್ನೊಂದಿಗೆ ಸಾಗುವಾಗ
ಮೋಹ ಹುಟ್ಟುತ್ತದೆ,
ಹೇಳಿ ನಿಮ್ಮ ಕೈಯಲ್ಲಿಡಲೇ
ನನ್ನ ಮುದ್ದು ಮಗುವ?

ಭಾನುವಾರ, ಜೂನ್ 20, 2010

NIMMA NADUVINA NAANU

ಕೋಟಿ ಜನರ ಮದ್ಯೆ  ಒಂಟಿಯಾಗಿದ್ದೇನೆ,
ಧಾವಿಸುವ ನದಿಯಲ್ಲಿನ ಬಿಂದುವಾಗಿದ್ದೇನೆ,
ಉರಿವ ಸೂರ್ಯನಲ್ಲಿಯ ಕಿಡಿಯಾಗಿದ್ದೇನೆ,
ಆದರೂ ನಾನು ನಾನಾಗಿದ್ದೇನೆ.

ಕಿವಿಗೊಟ್ಟು ಕೇಳಿ,
ನಾನು ಮಾತನಾಡುವುದಿಲ್ಲ,
ಕಥೆ ಹೇಳುವುದಿಲ್ಲ ,
ಮೌನದೊಂದಿಗೆ
ಮೌನಿಯಾಗಿದ್ದೇನೆ.

ಅಲ್ಲಿದಿಲ್ಲಿಯ ಮಾತು,
ಪಿಸುಗುಟ್ಟುವ ಗಾಳಿ,
ನಿತ್ಯವೂ ಸತ್ತುಬದುಕುವ,
ಅನಿವಾರ್ಯತೆ,
ಸುತ್ತ ಸುಳಿಯುವ ನೆನಪು,
ಅತ್ತುಕರೆಯುವ ಗೋಳು ,
ಅದೇ ಸ್ವರ್ಗ ನರಕಗಳ
ಉರಿವ ಹಣತೆ .

ಹುಡುಕದಿರಿ ನನ್ನನ್ನ
ಕೋಟಿ ಜನಗಳ ಮದ್ಯೆ
ಎಲ್ಲಿಯೂ ಬಿಟ್ಟಿಲ್ಲ ಹೆಜ್ಜೆ ಗುರುತು .
ಉರಿವ ಚಿತೆಗಳ ಮದ್ಯೆ
ಭಸ್ಮವಾಗಿಹ ನೆನಪು,
ಗೋರಿಗಳ  ಮಣ್ಣಲ್ಲಿ
ಕರಗಿಹೋಗಿ.

ಅಲ್ಲಿಲ್ಲಿ  ಯಾಕೆ ?
ನಿಮ್ಮನಡುವಿದ್ದೇನೆ
ನಿಮ್ಮಲ್ಲಿಯೇ ಇದ್ದೇನೆ,
ಸದಾ ಒಂಟಿಯಾಗಿ.

belaginondige

ಕೋಳಿ ಕೂಗಿನೋದಿಗೆ ಬೆಳಗಾಯಿತೋ,
ಬೆಳಿಗ್ಗೆ ಕೋಳಿ ಕೂಗಿತೋ,
ಬೆಳಗಾಗಿತ್ತು!
ಸೂರ್ಯ ಮೂಡಿದ್ದ ,
ರಾತ್ರಿ ಮುಗಿದ ಮೇಲಿನ ಬೆಳಗು,
ನಿದ್ರೆ ಮುಗಿದ
ಜಗದಳವು.

ಮೈ ಮುರಿಯಲ್ಲಿಲ್ಲ
ಮೈ ಮರೆಯಲಿಲ್ಲ
ಡಂಗುರ ಸಾರಲಿಲ್ಲ,
ದಾರಿ ಕಾಯಲಿಲ್ಲ
ದಾರಿ ಕೇಳಲಿಲ್ಲ
ಬೆಳಗಾಗಿದೆ.


ದಿನವೊಂದು ಉದಯಿಸಿದೆ,
ದಿನವೊಂದು ಮರಣಿಸಿದೆ,
ಹಳೆಯದರೊಂದಿಗೆ
ಹೊಸತುದಯಿಸಿದೆ.

ಎಲ್ಲವೂ ಹೊಸತು ಎಲ್ಲವೂ ಹಳತು ,
ನಿನ್ನೆಯೊಂದಿಗಿನ
ಬದಕು ಸೊಗಸು.
ರಾತ್ರಿ ಕಂಡಂತಹ ಭಾವಿ
ಹಗಲು ಧುಮುಕುವ
ಕನಸು.

ಬನ್ನಿ ಬದುಕೋಣ,
ಹೊಸ ದಿನಗಳೊಂದಿಗೆ,
ಹಳೆಯ ನೆನಪುಗಳೊಂದಿಗೆ.
ಇಂದಿಗೆ ಮುಗಿದಿಲ್ಲ ,
ನಾಳೆಗೆ ನಿಲ್ಲದು
ಮೊಗೆದಷ್ಟು
ಮುಗಿಯದ ಶರಧಿ.

ಮತ್ತೆ ರಾತ್ರಿಯಾಗುತ್ತಿದೆ ,
ಬೆಳಗಾಗಲು.

ಗುರುವಾರ, ಫೆಬ್ರವರಿ 25, 2010

HEDDARIYANCHINA MARAGALU


ಸಾಲಾಗಿ ನಿಂತ ಮರಗಳ ನಡುವೆ ನಾನೂ ಮರವಾಗಿದ್ದೇನೆ,
ಭೋರೆಂದು ಸಾಗುವ ವಾಹನಗಳ ನಡುವೆ ಮೌನವಾಗಿದ್ದೇನೆ
ಧೂಳ ಮಳೆಯ ನಡುವೆ 
ನಗುವ ಹೂಗಳ  ಹೊತ್ತು,
ಕೆಂಪಗಾಗಿದ್ದೇನೆ

ಎಲ್ಲಿಯ ಮೋಡ,
ಎಲ್ಲಿಯ ಮಳೆ
ದಿನವಿಡೀ  ಸುರಿವ ಬಿಸಿಲು .
ಪಾಪ ಪುಣ್ಯದ ನೆನಪು
ಗಟ್ಟಿ ಹಗ್ಗದ ಕುಣಿಕೆ,
ಕ್ಷಣವ ಎಣಿಸುವ
ಗಟ್ಟಿ ಜೀವ.

ಹಲವು ಹನ್ನೊಂದರ ಮದ್ಯೆ
ಮೂಕ ಜೀವದ ಗೋಳು
ಎಲ್ಲಿಯೂ ಸಲ್ಲದ
ಏಕಾಂಗಿ.
ಉರಿವ ಚಿತೆಗಳ ಮದ್ಯೆ
ಇಂದು ನಾಳೆಯ ನೆನೆದು,
ನಿರ್ಲಿಪ್ತನಾಗಿಯೇ
ನಗುವ ಯೋಗಿ.

ಬೇಡ ನನಗೆ  ಕರುಣೆ,
ಬೇಡ ನನಗೆ ಆರೈಕೆ,
ಬೇಡ ನನಗೆ ನಿಮ್ಮ
ತುಟಿಯಂಚಿನ ಮಾತು.
ಬಾಡಿ  ಹೋಗಲಿ ಹೂವು,
ಬಂಜೆಯಾಗಲಿ  ಬಸಿರು
ಬಿಟ್ಟು ಬಿಡಿ ನನ್ನನ್ನು
ನನ್ನ ಪಾಡಿಗೆ.

ನಾನು  ಮರವಾಗಿದ್ದೇನೆ,
ಮರವಾಗಿರುತ್ತೇನೆ.

 .

ಶನಿವಾರ, ಜನವರಿ 16, 2010

ನೆರಳು ಬೆಳಕಿನಾಟ

ದಿನದ ನೆರಳು ಬೆಳಕಿನಾಟದಲ್ಲಿ

ನಾನು ಕಳೆದು ಹೋಗಿದ್ದೇನೆ !

ಹುಟ್ಟುವ ಸೂರ್ಯನೊಂದಿಗೆ

ನಿಸುತ್ತ,

ನನ್ನದೆಲ್ಲವ ಗುಣಿಸಿ ಭಾಗಿಸಿ

ಬಂದ ಮೊತ್ತದಲ್ಲಿ

ಕಾಲು ಚಾಚಿದ್ದೇನೆ .

ಆಕಾಶವೋ ಅಷ್ಟೆತ್ತರ

ಕೈಗೆಟುಕದು.

ಇರುವ ಭೂಮಿ

ಕಣ್ಣು ಹಾಯದು ,

ಮಲಗಿದ್ದೇನೆ ಮುಸುಗಿಟ್ಟು.

ತಟ್ಟದಿರಲಿ

ಜಗದ ಸೆಳವು.

ಮುಚ್ಚಿದ ಕಣ್ಣ ತೆರಸದಿರಿ

ಕಳೆದು ಹೋದಾವು

ಕಣ್ಣಂಚಿನ ಕನಸು

ಏರಿದ ಕಾಮನಬಿಲ್ಲಿನಲ್ಲಿಯ

ಸೊಬಗು

ಅಂತೆ ಕಣ್ಣಂಚಿನ

ನೀರಹನಿ.

ಶುಕ್ರವಾರ, ಡಿಸೆಂಬರ್ 25, 2009

ಕನಸು

"ನಾನು ನನ್ನ ಕನಸುಗಳನ್ನು ಮಾರುತ್ತೇನೆ "
ಘೋಷಿಸಿದನವನೋಬ್ಬ ,
"ಆಹಾ ' ಎಷ್ಟೊಂದು ಖುಷಿ
ನಿನ್ನರವಿನ ಪರಿಧಿಯೊಳಗೆ ನುಸುಳಲು "
ಉದ್ಗರಿಸಿದೆ.